Bentaha di Union di Krédito

Ser miembro di un union di krédito por tin diferente benefisio.

Loke bo mester komprondé tokante union di krédito...
Un union di krédito ta un kooperativa finansiero. E ta manera un banko, djis ku den e kaso akí, ta e miembro- òf sosionan mes ta doño. Un union di krédito ta traha sin fin di lukro. Ku otro palabra, su meta ta di sirbi su sosionan en bes di hasi ganashi. Un union di krédito su interes prinsipal ta di traha na interes di su sosionan. Pa e motibu akí, union di krédito ta ofresé interes mas haltu ora bo spar, interes mas abou riba fiansa, i gastu mas abou pa nan servisionan.

Djòin un union di krédito awe mes! Klek aki

#1 Interes atraktivo ora bo spar
E unionnan di krédito tin diferente produkto di spar ku interes atraktivo.
• Mínimo 2% di interes riba kuenta di spar (depósito).
• Kuenta di spar pa bo yunan, ku interes kuminsando na 4,5%.
• Time deposit (depósito di plaso largu) pa 1, 2, òf 3 aña, kuminsando na 2,5% pa aña.
Spar pa gastu anual, manera fakansi, estudio (di bo yunan), impuesto riba vehíkulo, etc.

#2 Deskuento na negoshi lokal
E unionnan di krédito a sera dil atraktivo pa nan sosionan ku algun negoshi lokal. E sosionan por risibí deskuento na e negoshinan aplikabel, mustrando nan karchi di sosio. Bo por chèk e lista di deskuento ku bo union di krédito ta ofresé.

DownloadDownload File

#3 Otro benefisio 
Seguro di entiero ku prima atraktivo di ASKA (pa sosio di ACU) i CUNA MUTUAL (pa e otro unionnan di krédito). Agregá te ku 5 miembro di famia.
• E sosionan por paga nan gastunan mensual (Aqualectra, Selikor, Flow, etc.) via nan union di krédito. Sosio di ACU por paga nan impuesto riba vehíkulo (number di outo) tambe via ACU.