Faktor di Éksito

FAKTOR DI ÉKSITO
Tin sierto faktor ku bo ta topa serka mayoria di kooperativa nobo eksitoso, i ku ademas ta nesesario pa e kooperativa por funshoná na un manera efektivo.

Den un kooperativa nobo eksitoso:

• Ta traha na un manera efektivo ku komité, konsehero i eksperto eksterno.
• Ta tene e sosionan informá, pa asina nan por sinti nan envolví i sigui duna nan apoyo.
• Ta tene reunion na un manera profeshonal, trahando ku agènda, prosedimentu parlamentario i toma di desishon demokrátiko.
• Tin un bon relashon entre direktiva i gerensia, danki na e echo ku e ròl- i responsabilidatnan ta bon definí.
• Ta traha ku práktika di kontabilidat korekto i ta presentá informe finansiero riba un base regular.
• Ta forma aliansa ku otro kooperativa.
• Ta formulá maneho kla riba tereno di konfidensialidat i konflikto di interes.