Seminario di Curaçao Cooperative Academy i COLAC

“Creando Oportunidades a partir del Buen Gobierno Cooperativo y la Economía de los Negocios”

Odoo CMS - a big picture
Odoo image and text block

Dia 21 di aprel último Curaçao Cooperative Academy, e akademia di e federashon di kooperativanan Fekoskan, huntu ku e confederashon latino amerikano di kooperativanan di spar i krédito, COLAC, a organisá na Acoya Curacao Resort, Villas & Spa e seminario “Creando Oportunidades a partir del Buen Gobierno Cooperativo y la Economía de los Negocios”

 

E meta general di e seminario tabata pa fortalesé konosementu di, lidernan, dirigentenan, gerentenan, empleadonan i demas personanan interesá den kooperativanan finansiero. Esaki prinsipalmente pa loke ta trata maneho empresarial, modelonan nobo ku kooperativanan finansiero por usa pa hasi negoshi i inovashon di servisionan di kooperativanan finansiero.

Odoo image and text block

 Minister di desaroyo ekonómiko Dr. Steven Martina a hasi apertura ofisial di e seminario. Minister Martina a enfatisá e ròl di kooperativanan den un ekonomia sosial i tambe e empuhe ku nan por duna na desaroyo di ekonomia lokal. E minister a suprayá ku ta di vital importansia pa kooperativanan i nan sosionan sigui invertí den edukashon i formashon i asina prepará nan mes i sigui halsa kalidat di produkshon i servisio di e kooperativanan. E seminario a konta ku partisipashon di 47 persona entre kual representantenan di 7 kooperativa lokal, 1 kooperativa di Colombia, Banko Sentral, PWFC i tambe algun interesado lokal.

Oradornan tabata:

  • Cassius Spalding (COLAC Panama): Gobierno Cooperativo y Gestión Empresarial

  • Carlos Bejerano González (COLAC Panama): Habilidades de Dirección y Nuevos Modelos de Negocios

  • Soledad Lobariñas (Bankingly Uruguay): Productos y servicios financieros para los consumidores y asociados del futuro

Durante e seminario a:

  • Proponé un kuadro di akshon ku ta permití e partisipantenan pa desaroyá strategianan pa por satisfasé nan sosionan mas mihó saliendo for di e punto di bista di servisionan inovativo.

  • Deliniá un perfil ku e dirigentenan di kooperativanan mester mantené pa por guia e proseso di kambio di organisashon den un forma adekuá.

  • Resaltá e aspektonan di maneho ku ta nesesario pa por formulá i pone e modelonan nobo di hasi negoshi den práktika.

Den kuadro di fortalesamentu di e sektor di kooperativa den e próksimo lunanan Fekoskan i Ministerio di Desaroyo Ekonómiko lo bai atendé un plan di maneho integral pa desaroyo duradero di kooperativanan na Kòrsou. A palabrá tambe ku Curaçao Cooperative Academy i COLAC lo organisá 2 aktividat den 2019 pa kooperativanan lokal. Tambe a yega na un entendimentu ku Bankingly Uruguay ku próksimamente nan lo ta bek na Kòrsou pa duna mas informashon tokante produktonan i servisionan ku kooperativanan finansiero por usa pa duna mas i mihó servisio nan nan sosionan.

Fekoskan i Curaçao Cooperative Academy lo sigui traha duru den 2018 pa fortalesé e sektor di kooperativa brindando oportunidat di edukashon i formashon i dunando informashon tokante e modelo di negoshi kooperativa.